Adventures ni Kettle Ong

Synthesis on Philosophy of Man
Paano ba ako magsisimulang uriratin at himayin ang aking natutunan sa isang semester sa pilosopiya? Ayan nahihirapan ako kasi pakiramdam ko wala akong natutuhan, ang nasa utak ko ay iyong mga pinag-aralan naming great philosophers, tulad nila Kant, Kung Fu Tze, Descartes , at marami pang iba. Hindi ko alam kung ano ang aking isasagot.

May natutunan pala ako “That Waray, Ilocano, Bisaya, Kapampangan are not dialects but Regional Languages” ang mga bobong titser ko ng elemtary na katangahan ang itinuro sa amin patungkol sa pinagkaiba ng Linguwahe at Dialekto.

Pero hindi iyon ang isinasaad sa kung ano ang natutunan ko rito sa subject na ito. Iyon nga bang kung saan o kung ano ang pananaw ng iba’t-ibang pilosopo na aming tinalakay? O ang mga joke ni sir lalo na ang Electrikity? O ang mga sermon niya sa amin sa tuwing napupuno na nila ang salop ni Sir?

Sa palagay ko, sa aking pananaw, hindi yung kung ano ung pinagaralan naming na tinalakay niya na nababase sa aklat naming o sa kanyang lesson plan kung hindi ay kung ano ang tumanim sa amin utak at kaisipan na dadalhin naming hanggang sa kami’y mahimlay. Ang walang patawad na kalolokan sa pagbibiro ay kasama sa aking sinasabi.

Ako bilang isang estrangherang napadaan at napaupo at naipagpatuloy ang pagupo habang nagmamasid at nag-iisip, hindi ko namalayan na nadaragdagan ang aking kaalaman (hindi ito po ako nambobola) pero ano nga? Iyon ang gusto ko malaman.

Nalaman ko at natutunan kong pumasok palagi ng nakayuko kasi late na naman ako (hindi pala yun), ay kung papaano mag-isip at pag-isipan ang mga bagay na dapat pag-isipan. Na walang mararating ang mga taong nagmamarunong lamang, walang masama kung hindi mo alam ang isang bagay, walang masama kung magtatanong ka, at walang masama kung aaminin mo sa sarili mo na “WALA AKONG ALAM”

Sabi nga nila bakit ko pa aalamin ang bagay na alam mo na? kaya ang taong ito ay IGNORANTE, dahil hindi na makikinig dahil sasabihin nito na “EH ALAM KO NA YAN” mas malala pa ito sa mga wala talagang alam. Iyon ang isa sa aking natutunan na talagang masasabi kong tumanim sa aking isipan at sarili.

Hindi ko kailangan ipangalandakan na ALAM KO NA ITO dahil sa totoo lang, natuto ako na sabihin sa sarili ko na WALA TALAGA akong ALAM, dahil kakaunti pa lamang. Dahil ditto ay nagiging mapusok lalo ang aking damdamin at isipan na malaman ang lahat ng bagay na alam ko na at mapagyaman ito lalo na ang HINDI KO pa alam.

Natuto ako na MAG-ISIP, at paganahin ng mabuti ang aking isipan para masabi ko na ako’y naririto na hindi ako palamuti dahil ako ay NAG E-EXIST sa mundong ito. Na marami pang bagay ang dapat pagtuunan ng pansin, at higit sa lahat may nalaman ako.



p.s lagot sakin ang mag cocopy paste ng gawa ko kaya kayong mga bata kayo kapag pinagawa kayo ng reflection sa philo at nahanap nyo itong aking sagot abay magbayad kayo ha it's against MY COPY RIGHT hahaha

"dapat kasi hindi na binabago ang oras eh ng hindi nagugulo ung tao"

-- ang mga salitang gumising sa aking masarap na tulog, kasabay ng pagbukas ko ng aking pintuan.. lumabasa at sumilip sa pinanggagalingan ng ingay, si mommy pala (tita ko na asawa ng tito ko na kapatid ng papa ko na anak ng lola ko na apo ako?? ha?)

"Palm Sunday na pala," iyon ang pinag-uusapan ng aking papa at tita, ako naman usisera naki sabat na..

Bakit? bakit?.. iyon ang aking tinatanong, "eh kasi maraming naiinis kasi hindi na bawat misa ang basbas ng palaspas kung hindi may oras na, kaya maraming naiinis dahil tagal nilang hinihintay tapos hindi naman pala babasbasan ng pari, bakit ba kasi iniiba pa ang tradisyon? ayan tuloy nagugulo ang tao..."


pasagot na sana ako na.. nang biglang " Sabagay sabi nga nila iba iba ang hari kaya iba rin ang palakad" nagtanong pa ang aking mommy siya din pala ang sasagot,

napaiisp ako bakit ba kasi ginagawa pa ang mga bagay na iyon? uso ba? o talagang panahon lang kaya ganun... kasi parang nagiging katatawanan nalang sa akin ang mga tradisyon (paumahin sa mga masunurin)

1. Pabasya o Pasyon- langya kulang nalang ay mabasag ang lahat ng kasangkapan namin sa bahay dahil sa mga nagbabasa ng pasyon, walang humpay mula umaga hanggang hapon dapithapon at sa madaling araw walang humpay sana naisip nilang may nais matulog

2. hampas dugo - para sa mga sadista ung mga tipong nais saktan ang sarili, gagapang, magpapapalo sa puwit dadapa sa kalsada, magpapasa ng krus kulang nalang eh magpapako para kumpleto na ang play!.

3. Pasting - o pagaayuno, papatyin ang sarili sa hindi pagkain, puro tubig walang karne o anu pa man puro isda isda..(pabor ito sa mga nag Da DIE-t kasi bawal ang karne eh puro gulay at isda lang ang pdeng kainin)

4. prusisyon - ang pagsunod sa mga rebulto pagdadasal ng rosaryo at may kasama pang kandila na may sindi ( pero makkita mo mga nakasunod natitipon sa likod malayo sa namumuno ng dasal mga nachi-chismisang manang at manong, nag p- pda na magkasintahan, mga barkadang tawanan ng tawanan, at higit sa lahat parang mga nagpa fashion show ang mga sumusunod dahil sa pamatay na outfits! take note! may naka dress at heels pa ha 2 inches to be exact tingnan ko lang kung hindi magreklamo sa haba ng lalakarin)


maraming pakulo at pautot na nalalaman sa pagdating ng Mahal na Araw, gagawin ang mga naturang tradisyon, pero sa tingin ba ninyo? nababawasan ang mga kasalanan nyo?

1.kung ang lola mo ay palaging nagbabasa ng bibliya at pag may dumating na PLAYER pitsa ng majong na ang hawak o di kaya'y papel na may hugis spade,flower,hearts at diamond?

2.kung ang naghahampas dugong tiga sa amin na nagnakaw ng manok ng lolo ko sa aming bakanteng lote,.. bakit nawawala naman ang mga talbos ng kamoteng itinanim ng lolo ko na masarap sa Ramen noddles ko ang nawawala, at nakita ng kapitbahay na sinigang na talbos ang ulam ng naghampas dugong tiga sa amin?

3. ang kuya kong muntik ng isugod sa ospital dahil hindi makakain, hindi dahil masakit ang ngipin at hindi rin dahil sa hindi nasarapan sa luto ko kundi dahil hindi marunong kumain ng isda o gulay !anak ng tipaklong!

4.ang babaeng todo sa heels akala mo naman ay maganda eh hindi naman pala babae kundi binabae na naghahanap ng papa sa prusisyon?


anung klaseng tradisyon ba ito? TRANTADO-syon ba? gumising kayo! at baka kayo'y mabangungot!

"Bilog ang mundo"
-Ginerbra

Tumpak sa malamang ang Ginerbra pero hindi rin, may sablay din. bilog nga ba ang mundo? hindi ba't ang mundo ay nakahilis dahil sa pagikot nito sa kanyang axis? kumbaga spherical o tila itlog ang hugis nito, pero maisasama pa rin ito sa hugis bilog dahil ang BILOG o CIRCLE sa salitang alien ay nanganaghulugan na

"Isang uri ng bagay o hugis na walang simula o katapusan, closed figure"

o siya sige sige wag na nating pagtalunan ang kahulugan o ang katauhan ng bilog na hugis itlog(sayang d pa ko botante kabisado ko pa naman ung kanta ng sexbomb na yon .. teka nalalayo na ako) Ok mabalik tayo sa ating usapan. Nasaan nga ba ulit ako?

ah oo nga sa Bilog , ang bilog na mundo.

anu nga ba ang kahulugan nito sa aking pag-iisip ngayon?

Kung iisipin mo ngayon,oo ikaw nga na susisero o usiserang nagbabasa ng blog ko na napakatamad mag comment, ikaw nga ang aking kausap. Ako'y may itatanong sa iyo,

Sa tingnin mo ba bakit Bilog ang mundo?

a. DAHIL ITO AY NAAYON SA KAGUSTUHAN NI BRO?
b. DAHIL SA ITO ANG MAGANDANG HUGIS PARA SA PLANETA?
c. DAHIL SA ITO PA LAMANG ANG NADIDISKUBRENG HUGIS NOON PA MAN?

kung anu man ang sagot mo sa tatlong yan, malamang maaring tama o hindi kasi kaya nga ako nagtatanong kasi hindi ko alam JOKE lang, pero hindi nga maaring tama rin naman ang inilagay ko.. o sige pampalubag loob maglalagay ako ng..

d. NONE OF THE ABOVE / NO COMMENT

sa totoo lang may nakakaalam ba talaga kung bakit ganito ang hugid ng mundo?
kasi maging ako hindi ko din alam, baka me nakakaalam diyan paki sagot naman please!

-------


Ok eto na seryoso na ako....
eto ang kasagutan ko sa aking May kuwenta na walang wentang Tanong.

Bakit Bilog ang Mundo?

Hindi mo ba napapansin kaibigan? sa mundong ito tayo ay maikot-ikot lamang? sumasabay sa pagikot ng beggar na mundo?

una:

"sa pagsakay mo sa jeep, late ka na sobrang traffic tas biglang nagiba ng ruta si manong SHORTCUT daw eh parang LONGCUT pa ang ginawa ni manong diver dahil sa pasikot-sikot na daan. pero nakita mo UMIKOT lang pala kayo nag daan para makarating sa THIRD GATE ng BSU.

ikalawa:
, noon uso ang Beatles isama na natin si M.J gayon din si BOB MARLEng IDOL tapos nawala hindi na pinakinggan, nang nagdisband sila JOHN LENNON, ay pusang gala daig pa ang SARS sa pagkalat ng mga REVIVE songs nila, ganun din kay pareng BOB MARLEY at MARENG MJ, (gurl na kasi siya), paulit-ulit nabubuhay ang mga kanta nila at ngayon nga anjan na sila BLOOFIELDS (iloveyouROCKY), BROWNMANREVIVAL at ang mga talentado sa panggagaya ng moon walk o gravity ni MJ.

ikatlo:

Dati usong-uso ang DRESS, tapos nalaos ng dumating ang DENIM, baduy na kapag naka bestida at IN kapag naka maong, tapos ngayon BADUY na si MAONG uso na ULIT si BEstida at pede na ring mini bestida.

ikaapat:

Ang problemang hindi na natapos, natatapos at matatapos malamang dahil buhay ka pa kapag 6ft below the ground ka na wala ka ng problema nakatulong ka pa sa appetite ng mga uod at bulate. Paulit-ulit lang naman ang problema iba ibang sitwasyon lang at iba lang ang oras pero problema pa rin wlanag pinagbago UMIKOT LANG sayo, umalis o naresolba walang problema umalis si problema tas mamaya babalik na din kasi napagod na sa pagiikot kay aun bumalik . GETS mo?


ang dami ko pang satsat pero iyan lamang ang ilan sa mga halimbawa ko kung bakit bilog ang mundo siguro sa palagay mo walang kuwenta ang sinasabi ko PINAIKOT LANG KITA-

ALA EH! tama ka! PINAIKOT lamang kita sa nais kong SABIHIn -kasi wala ng trill kapag dineretso hindi ba?

PERO sa tingnin mo bakit ko isinaad ito sa aking blog?

simple lang...

dahil tulad ng BILOG walang katapusan, ang MUNDO ay wala ring humpay sa pag-ikot kahit na tayo'y mawala sa lupang kinlalagyan natin iikot at iikot pa rin ito patuloy na mabubuhay sa panahon.

gayon din ang buhay nating mag eskuwater( lahat tayo eskuwater LITERAL; dahil ang buhay natin hindi permanente) patuloy tayong nabubuhay sa Pag-ikot ng oras hindi man natin namamalayan pero palagi at palagi nalang na ULIT-ULIT ang sistema ng ating buhay, matutulog, giging kakain,gagawa, kakain, matutulog, gigising kakain,gagawa, kakain, matutulog................................


At sa pagiging bilog ng BUhay nagiging maliit ito at masikip para sa ating lahat, dahil walang diretsong daan kundi PAIKOT na daan lamang ang ating tinatahak, kaya wag ka ng magulat kung ang kakilala mo ay kakilala din pala niya, at kung mas matindi ay kaaway niya at kaaway mo din, kampi nalang kayo para awayin siya haha o diba masaya.

sa pagiging BILOG din ng BUHAY natin , dumadating ang pagkalito natin dahil nga walang matinong daan, na maari mong tandaan dahil sa bawat ikot mo hindi mo maiiwasan na maligaw , o kung hindi man ay mawala, pero makikita mo makakabalik ka pa rin ng hindi mo namamalayan.

sa pagiging bilog din ng Buhay natin , nakakakilala tayo ng mga tao na hindi natin maaring iwasan, tandaan mo maliit lang ang mundo, at dahil dito kahit iwasan mo ang gusto mong iwasan hindi mo siya maiiwasan dahil tiyak na magkikita at magkikita parin kayo dahil PAIKOT ang DAAN hindi ito DIRETSO.


ito ang ilan sa mga nakita kong sagot mula sa tanong ko kung bakit bilog ang mundo, pero sa tingin mo ba? iyon ba ang dahilan? kasi ako hindi ko pa rin tal;aga alam, kung bakit nga ba BILOG ANG MUNDO, kung hindi nalaman ko na ang tanging permenente sa mundo at sa buhay ay ang pagiging BILOG NITO, paikot-ikot, at sa madaling salita

"CHANGE o pagbabago ang tanging sagot Kung bakit BILOG ANG MUNDO"

Pambungad na Pagmumuni-muni
Ni: Roque J. Feriolls, S.J

Hindi ko na iisa-isahin o hihimayin pa sinabi ng may akda sa kayang mga isinaad na kategoraya sa pag-papairal ng pilosopiya, bagkus aking sasagutin ang ilan dito.
1. Pagmumulat
a. “Hindi lahat ng alam mo ay alam mo na, hindi porket alam mo na ang isang bagay dahil sa isang literal na pagpapaliwanag ay alam mo na ito, marapat na ito’y iyong alamin o maranasan upang masabi sa sarili na alam mo na ang iyong alam. Magkaiba ang alam at alamin.”

2. Liwanag
a. “Hindi maaring sa iyo ay maliwanag ang isang bagay at sa kanya ay hindi, dahil para ka lang nakipag-usap sa isang banyaga. Maaring ang pagkakaintindi niya sa sinabi mo ay pangit siya pero ang sinabi mo ay napaka pangit nya. Maganda at makagaganda ng buhay kung matututo ang tao na magusap hindi usap lang kung hindi ang pagkakaunawaan o pagkakaroon ng liwanag.

3. PANDAMA

a. Talinghangang Pag-uunawa
i. “Hindi lahat ng nakikita mo ay totoo, at hindi lahat ng totoo ay ipinapakita sayo. Sa buhay dapat tayong matuto kung paano huminto at unawain ang mga bagay na mahirap unawain. Dahil kung hindi ka hihinto sa iyong kinalalagyan lalo mo lamang ginugulo ang iyong sariling kaisipan at ng mga nakapaligid sa iyo. Huminto ka at magpalamig at kapag patag na muli ang alon ng dagat saka ka mamangka upang maging maayos ang iyong paglalakbay.

b. Pagkita ng Mata at Pagkita ng Isip: NAGTATALABAN
i. magandang halimbawa dito ay ang aking kaibigan eto ang wika niya sa akin:
“Nakikita ko sa kilos at galaw niya na mahal niya ako pero kung ang isipan ko ang aking gagamitin maaraing ito ay gingawa lamang niya dahil sa alam niya na mahal ko siya or in return sa gingawa ko sa kanya, at kung papaganahin ko ang aking pakiramdam aaminin ko OO nararamdaman ko na mahal pa nga niya ako pero KUNG paiiralin ko ang aking ISIPAN, makikita ko na maaring AKO lang ang nakadarama na mahal niya ako sa madaling salita nararamdaman ko ba na mahal nya ako talaga DAHIL sa ITO ANG NAIS KONG maramdaman o ISIPIN? Pero KUNG TITINGNAN KO ANG KANYANG mata , alam ko na ang sagot MAHAL NGA NIYA AKO. Pero… kung ang isipan ko…ang paiiralin maaring ito ay…”
Magulo hindi ba? Bumabalik at bumabalik lamang siya sa rason niyang PERO at sa bawat dahil ng PERO ay iisa ang lumalabas. Paulit-ulit. Magulo. Nakaklito.

ii. “Hindi lahat ng nakikita ng mata ay dapat paniwalaan pero hindi ko sinasabi na ang lahat ng ito ay pawang huwad.”
Kung ikaw sa sarili mo alam mo na organisado ang isipan mo at hindi magulo , wag kang makikipag usap sa isang magulo dahil makikita mo pati ikaw ay magugulo.

Eto na ang pinakamagandang parte ng aking repleksyon ang pagtatapos ( dahil alam ko na naguluhan ang aking mambabasa sa mga sulat kong oraganisado na magulo.) Ito ang puno’t dulo ng aking mahabang repleksyon:

“Sa ating paglalakbay sa mundong ibabaw, tayong mga tao , oo ikaw nga ako, ikaw tayo, tayo ang direktor, panunulat ng ating istorya, multitasking hindi ba? Pero aminin mo man o hindi ganun talaga, dapat lang maruong kang huminto at magpahinga ng saglit upang maging maayos muli ang gusot sa buhay natin. Na lahat tayo ay PILOSOPO ng ating sarili. Patuloy na magtatanong, at maghahanap ng kasagutan, ang ALAM mo at magiging KAALAMAN sa buhay.”

P.S ANG GULO! Baw

Pambungad sa Pambungad
Ni: Roque J Ferriols, S.J

Heto na ang karugtong. Ikalawang photocopy paper na naman mula sa aking propesor sa pilosopiya. Sa loob-loob ko na sana’y tulad ng ANG AKING KATAWAN ay ako’y matutunan rito, sabagay may tiwala naman ako sa aking propesor sapagkat siya ay isang tunay na guro (ayun oh! UNO na! biro lang).

“Pambungad sa pambungad” binasa ko ang pamagat kasabay ng malakas na pag-hikab. Sinumulan ko na ang aking pagbabasa, unang linya.. ikalawa… ikatlo… ika….a….pa….t……… BAGSAK! Peste naman oh! Tungkol ba ito sa mga makabayang baluktot na mamamayan na nabuhay, nabubuhay at mabubuhay na mamamayan ng PINAS! Aba’y ako’y maloloka na sa walang sawang pakikipagtalo ng mga puristang ito. Iyon ang tumatakbo sa aking isipan habang ako’y nagbabasa.

Pero kalimutan na natin ang mga puristang nagrarally sa harapan ng rebulto ng ating mga ninuno.(kung meron man) dahil nga bakit ba nagging purista ang mga purista? Bakit ba may purista? Sa totoo lang ngayon ko lang napagtanto. hindi ba ang mga purista’y naghahangad ng kabuuan; kung tagalong lang tagalong lang wag naglagyan pa ng iabng wika. Pero may napansin ako sa tinatwag nila sa kanilang sarili “PURISTA” kung pagmamasadan at pagaaraln mo ng mabuti hindi ba’t ito’y nanggaling sa salitang PURO o PURE sa salitang ingles? Paano nila masasabing puristang tagalong sila kung ang kinuha nilang salita eh hango din sa wikang alien. –ayon lamang po ito sa aking mag-aanalisa nawa’y ako ay tama. Sabagay opinion ko lamang naman ito walang maling opinion J
Sa totoo lang katulad ng isinusulat ko ngayon na nasa unang pahina hindi ba’t magulo? Katulad ng aking pagkakabasa magulo, nakaklito, hindi ko malaman kung anu ba ang nais ipahiwatig ng may akda.(hindi nga ba? O dahil sa tinatamad lang akong basahing muli ang kathaing ito? Nakakatamad dahil hindi ako interesado totoo yon,) pero habang binabasa ko pa ang Pambungad sa Pambungad, na isip ko “nanunuya ba ang may akda? Sa aking palagay ako’y kanyang pinaikot lamang upang malaman kung ako ba’y nagbabasa habang nagaanalisa. Sapagkat ang puno’t dulo ng walang kuwentang may kuwentang usapan naming ay tungkol lamang sa PILOSOPIYA, na hindi winiwika ang PAGPIPILOSOPIYA kung hindi ito ay ginagawa.

Lahat tayo ay marunong at sa araw-araw na ginagawa natin tayo ay nagpipilosopiya. Katulad ng iyong pagsasalita o pagwiwika ng iyong tanong, ditto nagsisismula ang pambungad natin sa pagpipilosopiya, at ito’y susundan na ng paghahanap ng nais mong malaman.